Forseti Íslands, Ólafur Ragnar Grímsson afhendir í dag Nýsköpunarverðlaun forseta Íslands. Markmið verðlaunanna er að heiðra námsmenn sem unnið hafa framúrskarandi starf við úrlausn verkefna sem styrkt eru af Nýsköpunarsjóði námsmanna.  

Meðal þeirra sem tilnefnd eru fyrir verkefni sín er Ásta Hermannsdóttir (dóttir Hermanns Guðmundssonar og Sigurlínu Sigurbjörnsdóttur) nemi í fornleifafræði en hún er tilnefnd  fyrir verkefni sitt „Fornleifar á eyðidal: Skráning og kynning á fornum minjum í Seljadal“.  
   En verkefnin sem eru tilnefnd eru annars þessi:

1. Arfgeng heilablæðing – Ný tilgáta um sjúkdómsmyndun byggð á

    rannsókn á genatjáningu sem unnið er af Birni Þór Aðalsteinssyni.

2. Fornleifar á eyðidal: Skráning og kynning á fornum minjum í Seljadal

    sem unnið er af Ástu Hermannsdóttur.

3. Sjálfvirki lestrar- og sýndarkennarinn sem unnið er af Gunnari Steini

    Valgarðssyni.

4. Súrefnismettunar- og hjartsláttarnemi sem unnið er af Ásgeiri

    Bjarnasyni.

5. Arctic snack – kartöfluflögur og sölsnakk sem unnið er af Eddu Jónu

    Gylfadóttur, Guðrúnu Björk Jónsdóttur, Helgu Björgu Jónasardóttur

    og Guðrúnu Hjörleifsdóttur.

Verðlaunin verða, eins og áður sagði afhent í dag við hátíðlega athöfn að Bessastöðum kl.16.