Fyrir skemmstu kom út kortabók Snæfellsness. Það eru Ferðamálasamtök Snæfellsness og Framkvæmdaráð Snæfellsness sem standa sameiginlega að útgáfunni. Kortabókin byggir á tveimur útgáfum, annarsvegar korti ferðamálasamtakanna og hinsvegar Green globe bæklingi framkvæmdaráðsins sem gefnar hafa verið út síðustu ár.
       Í bókinni eru kort af öllum þéttbýliskjörnum Snæfellsness, kort af Snæfellsnesi með gönguleiðum og þjónustumerkjum, fróðleikur um Snæfellsnes og listar fyri þjónustu á svæðinu ásamt símanúmerum. Kortabókin er ókeypis og hægt að nálgast eintök víða á Snæfellsnesi en upplagið er 60.000 og er talið að birgðirnar muni duga í 2 ár.
       Lager kortsins verður geymdur hjá Sæferðum og er hægt að setja sig í samband við Sæferðir til að fá bókina í einhverju magni. 
                                                                                         
                                                                                          Fréttatilkynning