Spennan magnast í Hólminum og eflaust víðar eftir því sem nær dregur viðureigninni við Keflavík í kvöld. Kraftur Snæfellsliðsins á körfuboltavellinum hefur oft verið hagmæltum andagift og jafnvel orðið til lagasmíða. Fyrir nokkrum dögum varð til stuðningslag fyrir Snæfell sem eflaust verður sungið í kvöld. Textinn og lagið kemur hér á eftir:

Lagið má heyra á You tube með því að smella hér.

Það er Snæfell sem að allt snýst um

Snæfell köllum við á pöllunum

Öll við óskum þess í góðri trú

Alla leikina við vinnum nú

Og hvetjum áfram bæði ég og þú

Stundin okkar er nú

Áður höfum við lifað það

að senda andstæðinginn fyrr í bað

Og nú ætlum við að gera það

Sama hvenær eða hvar

::Það er Snæfell sem að allt snýst um

á góðri leið að bikarnum

svo stöðugir á vellinum

Snæfell köllum við á pöllunum::

Það er Snæfell sem að allt snýst um

Snæfell köllum við á pöllunum

Að takmarkinu vinnum við

Vinna allt og gefum engum grið

Setjum þrista niður við og við

Því betra lið erum við

En við megum ekki slaka á

Það væri skandall sem að ekki má

Núna ætlum við að taka þá

og það verður ekkert smá