Eftir gríðarlega góða rispu kom smá bakslag á gott gengi Snæfells í körfunni síðustu leikjum.  Það  var ekki hægt að vænta þess að liðin færu taplaus í gegnum tímabilið þó leikur liðanna hafi á köflum verið það góður að það gæti allt eins verið mögulegt héldu liðin þeim standard  í hverjum leik.

Fyrirhugaður er fræðslufyrirlestur um garðrækt frá Garðyrkjufélagi Íslands á næstunni þar sem fræðslustjóri félagsins Kristinn H. Þorsteinsson mun fjalla um grunnræktun margskonar í erindi sem hann nefndir Rót vandans.

Á Norðurljósahátíðinni nú í október var nýtt sýningarrými tekið í notkun á Aðalgötunni í húsakynnum leirverkstæðisins Leir 7.  Sýningin Ljósaljós sem Sigríður Erla Guðmundsdóttir leirlistakona og Ingríður Óðinsdóttir textílhönnuður sýndu verk sín stendur fram yfir næstu helgi en þar sýnir Sigríður lifandi ljósastjaka og Ingríður hangandi ljós úr ull.

www.vedur.is

Á vefsíðu veðurstofunnar www.vedur.is er stormviðvörun vegna útlits veðursins næstu daga.  Veðrið hefur áhrif á ýmsa viðburði m.a. ráðstefnu sem vera átti í Klifi Snæfellsbæ á morgun föstudag, henni hefur verið frestað vegna veðurs um óákveðinn tíma.  Einnig hefur afmælishátíð Háls- og bakdeildar St. Franciskusspítala verið frestað um óákveðinn tíma sem og opnum fundi á Hótel Stykkishólmi sem vera átti á morgun kl.13 undir yfirskriftinni Samstarf er lykill að árangri.

Kráarviskumóti leikfélagsins Grímnis og veitingahússins Fimm fiska verður hleypt af stokkunum n.k. föstudag. 

Háls- og bakdeild St.Franciskusspítala á 20 ára afmæli um þessar mundir. Deildinni var komið á fót haustið 1992 af þeim Luciu de Korte og Jósep Blöndal og hefur starfað óslitið síðan.  Fyrsti hjúkrunardeildarstjóri var María Davíðsdóttir.

-- Afmælisfagnaði frestað um viku vegna veðurs --

Í auglýsingu í Stykkishólms-Póstinum í dag er ranglega getið um fyrirlesara á þessum opna fundi á morgun á Hótel Stykkishólmi.  Meðal fyrirlesara eru Bjarnfríður Vilhjálmsdóttir, skipulags- og byggingarfulltrúi Stykkishólms og Runólfur Þ. Sigurðsson, skipulags- og byggingarfulltrúi Akraness.

Allir eru velkomnir

Nýverið fundaði umhverfisnefnd Stykkishólmsbæjar og var m.a. lögð fram úttekt sem samþykkt var að gera í vor í samstarfi við Landgræðslu Ríkisins á ástandi hrossabeitarhólfa í Stykkishólmi.  Skoðunin fór fram 18. september s.l. og sýndi niðurstaðan fram á mjög bágborið ástand beitarlandsins.  4 af 6 beitarhólfum flokkuðust í slæmu eða mjög slæmu ástandi.