Mæting er við Íþróttahús og verður gengið inn hjá Vík, upp Grensás inn í Nýrækt og heim Aðalgötu sem gerir samtals 5 km.  Þátttökugjald sem rennur til rannsókna á brjóstakrabbameini, er kr. 3000.  Þátttakendur fá BUFF með merki félagsins og frítt verður í sund á eftir göngu í boði Stykkishólmsbæjar.  Forskráning verður í Bónus 3. september kl. 15-18.

Nánar um þetta í grein sem Hanna Jónsdóttir sendi Stykkishólms-Póstinum, en hún hefur undirbúið þennan viðburð hér í Stykkishólmi. 

Meira...

Nýverið var heimasíða Símenntunarmiðstöðvarinnar endurnýjuð og hefur litið dagsins ljós.  Bjart er yfir nýju heimasíðunni og einfalt að rata um hana.  

Hægt er að kynna sér námsframboð á mjög einfaldan hátt eftir staðsetningum þeirra.

Slóðin er www.simenntun.is 

Þeir eru eflaust margir sem hafa lent í ansi sterkum og óvæntum vindhviðum í Stórholtunum á leið sinni úr veðurblíðunni í Hólminum.  Nú ætti hinsvegar engum að koma á óvart sé hvasst í Stórholtunum því Vegagerðin hefur nú tengd veðurmælinn sinn sem þar er og má nú fylgjast með vindi, hita og umferð þar á vef Vegagerðarinnar. Meira...

Af því bárust fréttir í fjölmiðlum s.l. helgi að kaupsamningum um Brugghúsið Mjöð hefði verið rift af seljendum. Eru ástæður sagðar vera vanefndir á samningi af hálfu kaupenda. Kaupendur saka þó einnig seljendur um vanefndir. Seljendur hafa gefið kaupendum 10 daga frest til að skila eignum.

Síðustu opnunardagar Sjávarkistunnar Sjávarkistan – sölumarkaður með ferskan fisk af Snæfellsnesi hefur verið rekin í húsnæði Sjávarsafnsins í Ólafsvík í sumar. Þetta er tilraunaverkefni til að kanna rekstrargrundvöllinn þess að selja fisk í sjávarbyggð. Fiskvinnslufyrirtæki í Snæfellsnesi hafa staðið við bakið á þessu verkefni með því að sjá Sjávarkistunni fyrir söluvöru. Allir sem nýtt hafa sér þessa þjónustu hafa verið mjög ánægðir og reynt hefur verið að bregðast við óskum viðskiptavina um aukið framboð af ýmsum tilbúnum fiskréttum, sem mælst hafa mjög vel fyrir. Nú er komið að lokum þessa verkefnis og síðustu opnunardagar Sjávarkistunnar eru um næstu helgi og Sjávarkistan lokar sunnudaginn 28. ágúst. Framtíðin verður svo að leiða í ljós hvort einhver grípur þennan bolta á loft og sér atvinnutækifæri í því að setja upp fisksölu á Snæfellsnesi. Meira...

Grunnskólinn í Stykkishólmi var settur í vikunni og eru 159 börn skráð til náms í skólanum. 11 börn eru að hefja sína skólagöngu í fyrsta bekk. Því má gera ráð fyrir aukinni umferð gangandi eða hjólandi barna á morgnana og eftir hádegi. Ökumenn eru hvattir til að sýna sérstaka aðgát í akstri af þessum sökum. Meira...

Í aðsendri grein ritar Gunnar Svanlaugsson formaður meistarflokka Snæfells að það kosti 24 milljónir að reka meistaraflokkana en fjárhagsstaða sé mjög góð engu að síður.

Lesa má alla greinina hér... 

Íslandsmeistaramót í hrútadómum 2011 fór fram á Sauðfjársetri á Hólmavík s.l. laugardag. Skv. frétt strandir.is tóku alls fimmtíu manns þátt og þar af nokkrir af Snæfellsnesi. Strandamaðurinn Guðbrandur Sverrisson á Bassastöðum fór með sigur af hólmi í öðru sæti var Elvar Stefánsson frá Bolungarvík og þriðja varð Guðlaug Sigurðardóttir bóndi á Hraunhálsi í Helgafellssveit. Meira...