Hugmyndabankinn var losaður 3 júlí.  Úr kassanum komu 23 miðar með eftirfarandi hugmyndum / tillögum.

• Gera hreinsunarátak á Reitarveginum.
• 16 sept dagur íslenskrar náttúru.  Halda upp á daginn með gönguferð / fyrirlestri.
• Íbúaþing með ungu fólki þar sem fulltrúar frá bænum hittu ungt fólk og tækju stöðuna á því hvað það væri að gera og hvaða tækifæri eru til staðar í sveitarfélaginu fyrir þau.
• Snyrta kirkjugarðinn.
• Bæta við sorptunnum til að hægt sé að flokka rusl í kirkjugarðinum.
• Það er einmana skúr á Reitarvegi sem einu sinni var hjall sem þarfnast aðhlynningar.
• Nauðsynlegt er að taka til og hreinsa í kringum minnismerkið ( skútuna) á höfninni.
• Hafa opið námskeið fyrir Hólmara um það hvernig og hvenær sé best að planta trjám í görðum.
• Auka flokkun á sorpi hjá fyrirtækjum í Hólminum.
• Taka til í Maðkavík.
• Vera með átak í bæjarfélaginu til þess að fá fleiri Hólmara til að fara í sundlaugina.
• Laga göngustíginn á milli Árnatúns og Lágholts.
• Átak sem myndi miða að því að fá sumarhúsaeigendur til að dveljast lengur í húsum sínum í Hólminum og fá þannig meira líf í þau.
• Taka Reitarveginn í gegn í eitt skipti fyrir öll.
• Þakklæti fyrir að vera komin í Hólmgarð með 17 júní.
• Séð verði til þess að menn þvoi sér áður en þeir fara út í laug.
• Maðkavík. Endurbyggja gömlu steinbryggjuna í norðanverði víkinni og setja þar upp upplýsingastand um kríuvarpið í Gullhólma.
• Skora á bæjaryfirvöld að sýna kirkjugarðinum virðingu og láta hann líta vel út.
• Til að auka lífsgæði bæjarbúa þyrfti nauðsynlega að skoða hvort ekki væri hægt að vera með nýjan fisk til sölu. Þó ekki væri nema hálfan dag tvisvar í viku. Sorglegt að þurfa að fara úr sjávarplássi til Reykjavíkur til að kaupa ferskan fisk.
• Það væri gaman ef kirkjugarðurinn væri listigarður sem gaman væri að koma í.
• Skora á bæjaryfirvöld að hlutast til um aðgerðir við hús sem eru illa farin og mikið lýti á bænum. T.d. eru tvö þannig við Skólastíg og eflaust víðar.
• Mér finnst vaðlaugin ofnotuð af fullornu fólki. Var hún ekki upphaflega hugsuð fyrir börn ?
• Heiti : Samþætting á þjónustu. Markhópur : Byrja á enskum unglingum. Verklýsing: Opna og samþætta frístundaaðstöðu ( sund sérstaklega og sjúkrahús, björgunarsveit 
• taka á móti og endurhæfa breska unglinga. Árangur: læra sund x heilbrigði. Atvinnuskapandi. KT 8940422.

Þessum miðum var skilað til starfsmanna ráðhúsins.

                                                                                           Hanna Jónsdóttir.