Hugmyndabankinn var losaður 2 ágúst og upp komu eftirfarandi miðar:

- Koma fyrir bekkjum/sætum við eldstæðið í nýja lundinum í nýræktinni.  Annars mjög flott svæði.

- Það væri snild að fá þeytivindu í búningsklefana í sundlauginni til að þurka sundfötin í.

- Skemmtilegt væri að fá útivistarsvæði fyrir hunda og eigendur þeirra.  Það gæti verið utan eða innan bæjarmarkanna.

- Fá annan frábæran göngustjóra fyrir Hebbana.

- Hefja söfnun fyrir gufubaði eða sauna fyrir sundlaugina. Það er gott fyrir sál og líkama.

- Gera útivistarsvæði bak við bankann með borðum og bekkjum og jafnvel planta þar trjám og reyna að gera svæði huggulegra en það er í dag. Sama mætti gera fyrir svæðið við enda Árnatúns fyrir neðan áhaldahús bæjarins.

- Það væri sniðugt að taka til á Reitarveginum.

- Setrið – hafa þar starfsemi allt árið. Koma upp handverkssölu þar sem seldar væru vörur sem unnar væru á staðnum.

- Koma upp aðstandendafélagi heimilismanna á Dvalarheimilinu.

- Helluleggja leið upp í Súgandisey. Ferðamenn geta tekið eina þegar þau labba upp og geta keypt eina hellu og hægt er að merkja helluna. Gaman svo þegar fólk kemur upp aftur.

- Aðra stærri rennibraut.

- Sundlaugin. Gera kröfur á að allir þvoi sér án sundfata áður en þeir fara í sund. Það væri hægt að setja miða inn á allar hurðirnar að fataskápunum með orðsendingu um að þvo sér vel án sundfata áður en farið er í sund – þessi orðsending væri á nokkrum tungumálum.

- Lengri opnunartími um helgar.

Þessum miðum var komið til starfsmanna  ráðhúsins.

Vonandi vekur þessi hugmyndabanki okkur til umhugsunar um bætt lífsgæði. Oft eru það lítil atriði sem telja og öll getum við lagt eitthvað að mörkum.  

                                                                             Hanna Jónsdóttir.