Snæfell/Geislinn vann mikilvægan sigur í B-riðli 4.deildar í gær þegar liðið sigraði Kormák/Hvöt 2-1, en þessi lið voru í harðri baráttu í neðri hluta riðilsins.  Með sigrinum náði Snæfell/Geisli að slíta sér aðeins frá botninum og í hóp liða sem eru með 4 stig í riðlinum í 3.-6.sæti. 

Meira...

S.l. mánudag var haldið lokahóf yngri flokka Snæfells í körfubolta.  Voru þar samankomnir flestir krakkar og unglingar sem æfa körfubolta er hópurinn að venju stór.  Veittar voru viðurkenningar fyrir mætingu, framfarir og bestu leikmenn.  Meðfylgjandi mynd er af hópnum sem var duglegur að mæta á morgunæfingar í vetur með þeim Inga Þór og Hafþóri.  Æfingar verða í sumar með svipuðu sniði og morgunæfingarnar og má sjá æfingatímana á www.snaefell.is  

Meira...

Það er nokkuð liðið frá því að tímabilinu lauk í körfunni en landsliðsfólkið sló þó ekki slöku við í maí þar sem bæði var Norðurlandamót yngri landsliða og svo Smáþjóðaleikarnir sem fóru fram í Luxemburg í síðustu viku.  Ingi Þór var þjálfari U18 liðs karla á NM og Snæfell átti þrjá leikmenn í landsliðum Íslands á Smáþjóðaleikunum. Hildur Björg Kjartansdóttir lék sínu fyrstu leiki með A-landsliðinu og var vel að því komin eftir frábært tímabil.  Hildur Björg var ekki sú eina frá Snæfelli, nafna hennar, Hildur Sigurðardóttir var að sjálfsögðu einnig með en hún er á góðri leið með að verða leikjahæsti leikmaður íslenska kvennalandsliðsins frá upphafi. Þá má geta þess að þriðji Hólmarinn, Gunnhildur Gunnarsdóttir leík einnig með landsliðinu á mótinu.  Þær stöllurnar stóðu sig vel allar vel með landsliðinu sem endaði í 2.sæti eftir naumt tap gegn Luxemburg í úrslitaleiknum.  Þriðji leikmaðurinn, Jón Ólafur Jónsson lék svo með karlalandsliðinu sem hafnaði í þriðja sætinu.  

Meira...

Snæfellsstelpurnar mæta KR hér heima í kvöld kl.19:15 í fyrsta leiknum í rimmu liðanna í undanúrslitunum.  Liðin mættust í síðustu umferðinni og þá hafði Snæfell betur.  Vonandi tekst þeim að fylgja þeim sigri eftir í kvöld því það er afar mikilvægt byrja vel og að taka öll stig sem eru í boði á heimavellinum.  Þrjá sigra þarf til að komast áfram í úrslitin. Stuðningshópurinn ætti að vera orðinn vel heitur eftir tvo spennuleiki hjá strákunum en nú er komið að því að styðja vel við stelpurnar og veita þeim öflugan stuðning og meðbyr inn í úrslitakeppnina.  ÁFRAM SNÆFELL !!

Í fyrsta leik Snæfells og Stjörnunnar s.l. þriðjudagskvöld í undanúrslitum Dominosdeildarinnar hér í Stykkishólmi voru íþróttamenn og vinnuþjarkar HSH fyrir árið 2012 tilnefndir.  Hildur Sigurðardóttir var valin Íþróttamaður HSH 2012 auk þess að hljóta titilinn Körfuboltamaður HSH 2012.  Aðrar útnefningar voru:  Siguroddur Pétursson, Snæfelling. Hestíþróttamaður HSH 2012, Bergur Einar Dagbjartsson, UMFG. Blakmaður HSH 2012, Rúnar Örn Jónsson, Mostra. Kylfingur HSH 2012, Viktor Örn Jóhannsson, UMFG. Knattspyrnumaður HSH 2012.  Vinnuþjarkar HSH 2012. Stjórn knattspyrnudeildar Víkings Ólafsvík. 

Meira...

Framundan eru ansi spennandi og líflegir dagar fyrir körfuboltaáhugafólk, bæði lið Snæfells komin áfram í undanúrslitin á Íslandsmótinu í fyrsta sinn.  Það kemur því til með að reyna mikið á stuðningshópinn ekki síst hér á heimaleikjunum.  Nú er markmiðið að ná upp gríðarlegri stemmingu á þeim heimaleikjum sem framundan eru og gera Fjárhúsið að algjörlega óvinnandi vígi fyrir mótherja Snæfells.

Meira...

Nú er runnin upp sannkölluð ögurstund í viðureign Snæfells og Njarðvíkur í úrslitakeppninni.  Liðin hafa unnið sitthvora viðureignina og leikurinn í kvöld kl.19:15 því hreinn úrslitaleikur um að komast áfram í undanúrslitin.  Það má segja að hvorki Snæfellsliðið né stuðningshópur Snæfells hafi mætti fyllilega til leiks en nú er það engin spurning allir verða að mæta til leiks og taka á því saman ef Snæfell á að komast áfram.

Meira...

Stjórn körfuknattleiksdeildar Snæfells og Ingi Þór Steinþórsson þjálfari hafa endurnýjað samstarfssamning  sinn  sem mun  gilda til ársins 2016.

Í fréttatilkynningu frá Snæfelli segir: „Með undirskrift þessari er öllum ljóst hvað við ætlum okkur í framtíðinni og um leið kurteisi við alla þá sem hafa áhuga á að vera með okkur í liði á komandi árum.“   

Meira...