Snæfell vann í gærkvöldi tiltölulega auðveldan 90-58 sigur á Hamri í fyrsta leik sínum í Iceland Expressdeildinni á þessu tímabili.  Hamar sigraði 1.deildina á síðasta ári nokkuð örugglega en þeir virtust ekki vera tilbúnir í slaginn í efstu deild í kvöld og gáfust hreinlega upp í seinni hálfleik. Meira...

Snæfell byrjaði vel í Iceland Expressdeild kvenna í kvöld þegar liðið sigraði Val 59-63 í spennuleik þar sem úrslitin réðust ekki fyrr en á lokasekúndunum. Leikurinn fór fram á Hlíðarenda og með sigrinum er Snæfell búið að vinna eitt af þeim liðum sem spáð var ofar í deildinni í árlegri spá forráðamanna, fyrirliða og þjálfara liðanna í upphafi móts. Kirsten Green var stigahæst með 16 stig, Gunnhildur 14 og Berglind 13. Sjá nánari tölfræði hér.

Drengjaflokkur Snæfells varð fyrstur flokka Snæfells til að hefja keppni á íslandsmótinu en hann gersigraði lið Vals í kvöld 100-38 en liðin eru í A-riðli. Snæfell er reyndar í samstarfi við Skallagrím í drengjaflokki og leikur flokkurinn því heimaleiki sína til skiptis í Stykkishólmi og Borgarnesi. Þetta er greinilega feiknasterkt lið hjá Snæskallanum eða Snægrími eins og gárungarnir kölluðu liðið í kvöld og það verður spennandi að fylgjast með framhaldinu hjá drengjaflokknum í vetur.  Tölfræðin

Bakken Bears, lið Guðna Valentínusarsonar sigraði í gærkvöldi lið Åbyhøj 76-84 á útivelli í dönsku deildinni sem er nýhafin. Bakken Bears urðu meistarar í fyrra og Guðni gerði sem kunnugt er samning við þá sl.vor en hann lék með B-liði þeirra í fyrra. Guðni spilaði tæpar 9 mínútur en náði ekki að skora. Sjá tölfræðina hér. Meira...

Snæfell varð enn að bíta í það súra að tapa fyrir Grindavík í fjögurra liða úrslitum Poweradebikarsins en þessi lið mættust líka í fyrra og þá sigraði Grindavík einnig.  Í leiknum í gær leiddi Grindavík nánast allan tímann og náðu mest 19 stiga forskoti en Snæfell gafst aldrei upp og náði muninum niður í 6 stig minnst en lokatölur urðu 95-89. Meira...

Eftir öruggan sigur á Stjörnunni s.l. sunnudag er Snæfell komið í undanúrslitin í Poweradebikarnum. Líkt og í fyrra þá mætir Snæfell þar Grindavík og nær vonandi að snúa úrslitunum í fyrra við. Í fyrra léku liðin hér á heimavelli Snæfells og þá sigraði Grindavík 71-74 eftir arfaslakan 3.leikhluta hjá Snæfelli.
Meira...

Keppnistímabilið í körfunni hófst síðustu helgi en þá léku báðir meistaraflokkar Snæfells í Poweradebikarnum.  Stelpurnar mættu KR í Reykjavík og töpuðu stórt fyrir sterku liði KR 71-39.  KR stelpurnar byrjuðu strax af miklum krafti og náðu tuttugu stiga forskoti og eftir það var þetta á brattann hjá Snæfellsstelpunum.  Meira...

Snæfell mun hefja keppnistímabilið með leik gegn bikarmeisturum Stjörnunnar í 2.umferð Poweradebikars karla.  Það varð ljóst í kvöld þegar Stjarnan sigraði Hamar örugglega 103-83.  Leikur Snæfells og Stjörnunnar verður hér heima í Fjárhúsinu næsta sunnudag, 27.sept. kl.19:15.