Snæfell sigraði Grindavík 76-71 í kvöld nokkuð sannfærandi eftir að Grindavík hafði byrjað mun betur. Hlynur Bærings átti frábæran leik 21 skráð frákast, 20 stig 7 varin skot. Snæfell er því komið í 2-0 í viðureigninni við Grindavík og þarf einungis einn sigur í viðbót til að komast í leikina um Íslandsmeistaratitilinn. Næsti leikur verður í Grindavík á laugardaginn og þá er bara að láta hné fylgja kviði og klára séríuna strax, þó gjaldkerinn vilji fleiri heimaleiki. Meira...

Leikurinn er í lýsingu á vef KKÍ en einnig koma e.t.v. komment inn á vefinn hjá okkur á lýsingarsíðuna sem hægt er að komast á hér.  Nú þegar klukkan  rétt orðin sjö er húsið þétt setið á pöllum sem gólfi.  Rútan úr Grindavík er loksins búin að skila sér lenti í bilun í Borgarnesi og nú er verið að reyna að þjappa svo allir komist nú inn í litla Fjárhúsið.

Snjólfur Björnsson Snæfelli gefur ekkert eftir í frjálsu íþróttunum en þar hefur hann verið í fremstu röð á landinu í sínum flokki undanfarin ár.  Síðastliðna helgi tók Snjólfur, ásamt fleiri krökkum úr HSH, þátt í Meistaramóti Íslands 12-14 ára. Meira...

Í kvöld verður önnur viðureign Snæfells og Grindavíkur í undaúrslitunum og ljóst að þar verður um hörkuviðureigna að ræða.  Það verður án vafa troðfullt hús, Grindvíkingar bjóða upp á fría rútuferð á leikinn og ætla af stað kl.15 þannig að þeir verða mættir tímanlega.  Það verður því ekki síður stemming á pöllunum en vellinum. Meira...

Snæfell er búið að vinna marga leikina á þessu tímabili sem liðið hefði áður tapað, leikið illa og unnið samt. Sigur liðsins kom því ekki á óvart í kvöld jafnvel þó það hafi ekki litið vel út þegar um 4 mín voru eftir og Grindavík 9 stigum yfir. En þetta sýnir styrk Snæfells og muninn á því nú og áður að það tekur þessa jöfnu leiki þrátt fyrir að leika ekki sérlega vel. Grindavík sýndi það í kvöld að þeir eru firna sterkir og því ljóst að spennandi leikir eru framundan þó staða Snæfells sé óneitanlega sterkari nú komið í 1-0 og næsti leikur á heimavelli n.k. fimmtudagskvöld kl.19:15.

Snæfell leikur fyrsta leik sinn gegn Grindavík í kvöld í undanúrslitunum og nú þarf þrjá sigra til þess að komast í úrslitaleikina um Íslandsmeistaratitilinn.  Sem fyrr er það gríðarlega mikilvægt að byrja vel og vera skrefinu á undan.  Snæfellspiltar geta farið fullir sjálfstrausts í þennan leik í kvöld því þeir hafa leikið vel nú í síðustu leikjum.  Slógu Njarðvík út 2-0 í 8.liða úrslitunum og ekki síður þá hefur Snæfell haft gott tak á Grindavík í vetur.  Meira...

Eftir leiki kvöldsins í úrslitakeppninni í Iceland Expressdeildinni er það ljóst að Snæfell mætir Grindavík í undanúrslitunum og Keflavík mætir ÍR. Fyrsti leikur Snæfells og Grindavíkur verður í Grindavík næsta mánudag 7.apríl og þar sem leikurinn verður í beinni á Stöð2 sport þá verður hann kl.20:00.  Sjá leikjaniðurröðun á vef KKÍ.

Það lítur allt út fyrir það að KKÍ verði ekki með tölfræðilýsingu héðan úr Hólminum í kvöld og því munum við á Stykkishólms-Póstinum sjá um það samkvæmt venju. Nú klukkan sjö er húsið orðið þéttsetið og spenna í lofti. Lýsinguna að leik Snæfells og Njarðvíkur er að finna hér.