Tímabilið að hefjast í körfuboltanum og allt í gangi hjá körfuknattleiksdeild Snæfells.  Ýmislegt verður í boði fyrir stuðningsmenn liðsins m.a. spjall við leikmenn að loknum leik.  Nánar um það hér á eftir í fréttatilkynningu körfuknattleiksdeildar. Meira...

Snæfell tapaði með eins stigs mun 78-79 gegn Skallagrími í kvöld í æfingaleik í Borgarnesi.   Um nokkuð jafnan leik var að ræða þar sem Snæfellingar náðu þó um 10 stiga forskoti um tíma en í lokin náðu Skallagrímsmenn að skríða yfir og landa sigrinum. 

Blakdeildin vill minna konur á að blakæfingar eru hafnar.  Allar konur sem hafa áhuga  á að spila og læra blak í góðum félagsskap eru velkomnar á æfingar á mánudögum kl.19:30 og miðvikudögum kl.20:00.  Það er Hreinn Þorkelsson sem mun þjálfa hópinn.

Snæfell tapaði úrslitaleiknum á móti Haukum á Greifamótinu á Akureyri nú áðan.  Leiknum lauk með fjögurra stiga sigri Hauka 79-83.   Sjá nánar á heimasíðu Þórs.

Íslendingar áttu dapran dag og steinlágu fyrir Austurríki með 21 stiga mun 64-85.  Þar með er vonin úti hjá Íslendingum að fara upp í A-deildina.  Austurríkismenn sem áður höfðu rétt marið slakt lið Lúxemburgar, eru nú komnir í 3 sætið og upp fyrir Hlyn og félaga í riðlinum.  Hlynur spilaði í rúmar 24 mínútur, var með 3 stig og 4 fráköst og 5 villur í leiknum.  Nánar má sjá um tölfræðina á síðunni sem bent er á hér í fréttinni fyrir neðan.

Áhugafólk um körfuboltann og leik íslenska liðsins gegn Austurríki er minnt á að hann er í beinni texta- og tölfræði lýsingu á vef fiba núna.  Þegar komið er á síðuna þá er nóg að smella á einhvern leikinn sem er Live hægra megin á síðunni þá kemur upp skortafla þar sem hægt er að velja leiki/games efst í horninu hægra megin.  Hér er síða Fiba

Snæfell sigraði Fjölni 86-72 í síðasta leik sínum í sínum riðli á Greifamótinu á Akureyri í dag.  Snæfell er því komið í úrslitaleikinn á mótinu á móti Haukum en bæði liðin unnu alla þrjá leiki sína í sínum riðlum.  Úrslitaleikurinn verður kl.13:00 á morgun. Meira...

Íslenska landsliðið í körfunni leikur síðasta leikinn í fyrstu umferð í B-deild Evrópukeppninnar í dag.  Leikurinn er gegn Austurríki og hefst kl.18:20 að íslenskum tíma.  Liðið mun leika án Jóns A. Stefánssonar sem er meiddur.  Svo er bara að sjá hvort Hlynur nái ekki að rífa niður nógu mörg fráköst til að verða efstur í deildinni en hann er þar í öðru sætinu með 10,7 fráköst að meðaltali í leik.  Nánar má sjá um leikinn á síðu KKÍ og um B-deild Evrópukeppninnar hér.